სასიყვარულო პოეზია
siyvaruli.in: By nervoza

ჩემი დუმილიც მიითვალე
შენდამი ლოცვად  . . .

2016-12-04 - 6:53 AM    
siyvaruli.in
როგორც ყოველთვის, შუაღამით მოვიდა მუზა,
გადააწოდეს ალავერდი გრძნობებმა ფიქრებს,
ჩემი სხეული ოცდაცხრამეტ გრადუსზე ხურს და
ასე მგონია, რაღაც ძალა წარსულში მითრევს.

როგორც ყოველთვის, ადუღდება ძარღვებში სისხლი,
ჩემი რიტმები აიმღვრევა თამბაქოს ბოლში,
კედლის საათი აქ, ჩემს უკან, სიჩუმეს ითვლის
ვიმოგზაურებ, მე მგონია, ამ ლექსით დროში.

როგორც ყოველთვის, წყნეთის თავზე გამოჩნდა მთვარე,
შემომაფრქვია უძილობა და ლექსად მამცნო,
ჩემი ჩვევები გამახსენდა მე - ყველა მავნე,
და ჩემს ფანჯრებთან ჩაიხუთა ფიქრისგან აწმყო.

როგორც ყოველთვის, ანბანია ჩემი ნოტები,
და სიმებივით სტრიქონებზე ჩამოვკრავ ხელით,
ჩემი სტროფები მუსიკაა ჩემი ბოდვების,
და ჩემ კონცერტზე მე ლექსებით ყოველთვის გელით.

როგორც ყოველთვის, შუაღამით მოვიდა მუზა,
როგორც ყოველთვის, ადუღდება ძარღვებში სისხლი,
როგორც ყოველთვის, წყნეთის თავზე გამოჩნდა მთვარე,
როგორც ყოველთვის, შუაღამეს მე ფერფლად ვიწვი.
 
გაუზიარე მეგობრებს










გამოკითხვა

გიტაცებთ თუ არა სასიყვარულო პოეზია?
სულ პასუხი: 6995

ავტორიზაცია



იყიდება siyvaruli.in

ჩვენ facebook-ზე

რეკლამა

რეკლამა

რეკლამა

მინი ჩათი


500

რეკლამა

რეკლამა

სტატისტიკა

სულ ონლაინში: 1
სტუმარი: 1
მომხმარებელი: 0



www.wsa.ge PageRank


              თქვენთვის ზრუნავს © nervoza

<