ჩემი ოცნება ხარ ფიქრებში ნაქარგი,
ნაზი და ფაქიზი სულის რუდუნების,
შენ ჩემი სატრფო ხარ აწ და მარადის
და უკიდეგანო განცდა ხარ ცდუნების . . .

შენ აღმაფრენა ხარ ნათლის და სიკეთის
ფრთებად სათნოება შეგასხა განგებამ.
ვიცი მაზიარებ ზეცის ნეტარებას
ამ მიწამ დათმობა ჩემი თუ გაბედა . . .

შენ ჩემი არსების ლტოლვა ხარ ველური,
წყნარი ვით მთვარე და შმაგი ვით ბუნება.
ვიცი წარღვნასავით წამლეკავ გრძნობებით
ჩემი სიყვარული თუ მოგეგუნება . . .