ფარად მოგცეს არწივივით ქმარი.

შეგიყვაროს კაცმა ერთადერთმა,

მარად იყოს სიყვარულით მთვრალი.

იყავ მშვიდი, მორჩილი და მთმენი,

შეგიყვაროს კაცმა ერთადერთმა,

ბედნიერად ჩაგემარცვლოს დღენი,

ჭრელ კაბაში დაგაბეროს ღმერთმა.

როგორ გშვენის ლერწმის ტანზე ფარჩა,

ვიწრო წელზე გიშრისფერი თმები,

ღვთისმშობელი აგარიდებს ავდარს

და მფარველი ანგელოზის ფრთები.

აშლიალე ლერწმის ტანზე ფარჩა,

აფრიალე თმები გიშრისფერი...

ქვეყანაზე არსად აღარ დარჩა

ერთი ქალიც, - შენი ფეხის მტვერი.

ჭრელ კაბაში დაგაბეროს ღმერთმა!..