ხედავ,
როგორ აყვავილდა ნუში...
და კვირტები შემოასკდა ღამეს...
შენი სითბო მოენატრა გუშინ...
შენს ლოდინში გაშიშვლებულ წამებს...

ვხედავ,
როგორ აყვავილდა ნუში...
დარდმა ისევ დაუბერა ქარებს...
მე უშენოდ დამაღამდა გუშინ...
მtელი ღამე ვესაუბრე მთვარეს...

ვხედავ,
როგორ აყვავილდა ნუში...
გაშიშვლებულ სულს ფოთლებით ვავსებ...
უშენობამ გამაგიჟა გუშინ...
მთვარე იყო საოცარი, სავსე...

ვხედავ,
როგორ აყვავილდა ნუში...
და ფოთლებიც როგორ გაირინდა...
ვერ გიპოვე, დავიღალე გუშინ
დილაა და ისევ შენთან მინდა...

ვხედავ,
როგორ აყვავილდა ნუში...
მთელი ღამეგ ავატარე მარტომ
შენ ქარი ხარ, მოფრიალე სულში...
ჰოდა, ისევ შენი ქროლვა მათბობს...

მთელი ღამე ვეფერები კვირტებს
ღამეც ისევ უშენობით მიტევს...