მე გამაცილებს შენზე ოცნება
მე გამაცილებს ჭადრების რიგი
მე ერთს დავეძებ სველი თვალებით
მაგრამ წავიდა აღარ ჩანს იგი.

მე გამაცილებს მხოლოდ ცრემლები
მხოლოდ ცაცხვები ფოთოლშრიალა
მე გამაცილებს ფართო შარა გზა
და ის ძვირფასი თვალები არა.

მე შემიყვარებს სულ სხვისი გული
და სულ სხვა გოგო ნუკრისთვალება,
სხვა გაათენებს ჩემზე ღამეებს
და ის ძვირფასი თვალები არა.

სხვა გამახარებს მაინც უბედურს
და უფრო ძლიერ ავქვითინდები
ვიცი ვერასდროს რომ ვერ გამიგებ
და ე რთგულებას ვერ დამპირდები.

სხვა დამიკოცნის დანისლულ თვალებს
გულში მაგრადაც სხვა ჩამიკონებს
და ის ძვირფასი თვალები არა
რომლისთვისაც რომ ასე ვეწამე...

მას რომ ვერასდროს ვერ შევხვდებოდი
რად შევიყვარე... ეს ხომ ვიცოდი...