არ გინდა შინ იყო?

ბალღებ გეხვეოდნენ
დედი ამიყვანა?
დედი ქვე მაჭმეავ?

ოფლი მოგდიოდეს,
ბუხარს გაურბოდე,
ჩემი გრცხვნოდეს და
ყოველ ალიონზე,

შიშველ ტანს მარიდებდე,
(მაინც ცოლი გერქვას)
მკერდს ხელს იფარებდე
სიწითლე შეპარული-

-ლოყები გამჟღავნებდნენ
წუხელ ჩემს მკლავებში,
ტკბილად რომ გეძინა
და არ იმორცხვებდი.

არ გინდა შინ იყო?
ზამთრის საღამოებს
არაყში ჩავახშობდით
ხინკლის ოხშივარით

მერე ხვაშიადით
სიმღერებს აგიწყობდი...
ბალადებს მოგახვევდი...
ხომ არ შეგცივდაო

მოვიმიზეზებდი...
შემოგეხვეოდი...
მკითხავ: ქვე სძინავთა?
კიო - ჩემო ყველავ...