მომიყვებით თქვენს შესახებ რამეს?
თვალზე გატყობთ საერთო გვაქვს ბევრი,
ალბათ უსმენთ მოცარტსა და მალერს,
ზოგჯერ არც გაქვთ სიმფონიის ნერვი.

იქნებ გიყვართ სოული ან ჯაზი?!
განწყობასაც გააჩნია არა?
ხშირად მოგდით უმიზეზო ბრაზრი,
ხან მსოფლიო სიმშვიდეებს ფარავთ.

მაპატიეთ ყვავილები გიყვართ?
მე პირადად შროშანი და ია,
ფიქრი ზოგჯერ ვარსკვლავეთში მიგყავთ,
ზოგჯერ თქვენს წინ საფერფლეში ყრია.

ცისარტყელის ქვეშ გაძრომა გინდათ?
მე ვეცადე ვერ შევძელი მარტომ.
მოგწონთ ფიფქი ლამპიონის წინდა....
მე? არვიცი ჩემს ქუჩაზე არ თოვს.

მომიყევით თქვენს შესახებ ბევრი,
თვალზე გატყობთ საერთო გვაქვს მგონი;
ერთი ვნებით დაჭიმული ნერვი
და ამ ლექსის უცნაური ტონი..