ქარი აუშვით,მერე ბოლო შუქიც ჩაუქრეთ, ოღონდაც,როცა ათრთოლებულ თითებს შეგახებთ, სითბო მაჩუქეთ. უკვე ხომ აღარ ვეპარები ფიქრებს ქურდულად, უკვე მაინც ხომ ყველა მზერა გასარანდია, მაინც რატომღაც ჩემს ფანჯრებზე ყვავის კაქტუსი, რატომღაც ისევ ვაკოწიწებ ნდობას დარდიანს. დამტოვეთ თქვენთან,შემაწიეთ ველური რიტმი, ღამე დილასთან გადაგრიხეთ ლურჯი ხავსებით და თხელ მაჯებზე მოჭდობილი ვერცხლის ხუნდები კვლავ ძველებური სიფაქიზით გამიხალისეთ. ამომაჭერით ჩადნობილი ძვლების სიღრმემდე, სისხლში შხამივით გაჟონილი გველი-სიცრუე, გადამიბანეთ შემოდგომის ყვითელ წვიმებით და მარილივით მომაყარეთ უხვად სიცივე, იქნებ სიმართლე შემიხორცოს ხელზე იარად, ქუჩის ძაღლივით რომ უყმუვლებს უჟმურ ამინდებს, როცა ჩამოვხევ კალენდარზე ჯერ უცნობ ფურცელს, საფლავის ქვაზე ჩემს აგვისტოს რომ დააწყვილებს... ქარი აუშვით,სუნთქვას ვიწყებ ისევ თავიდან. ქარს შემატოვეთ,შემალეწოს ეს სიჩაუქე და სანამ თალხი გადამიხმობს სიცოცხლის ფესვებს, რწმენა მაჩუქეთ.. |
siyvaruli.in:
By nervoza
By nervoza
ჩემი დუმილიც მიითვალე
შენდამი ლოცვად . . .
შენდამი ლოცვად . . .
* * *
ავტორიზაცია
იყიდება siyvaruli.in
ჩვენ facebook-ზე
რეკლამა
 |
რეკლამა
 |
რეკლამა
 |
მინი ჩათი
რეკლამა
რეკლამა
პარტნიორები
WWW.GETOP.IN WWW.TOPSAITEBI.GE For Mobiles დაამატე საიტი |
