სასიყვარულო პოეზია

მთავარი	ვიდეო	მუსიკა	გამონათქვამები
სიყვარული თავდავიწყებაა	დაკარგული სიყვარული	ნიკო გომელაური	სიყვარული და ურთიერთობები
ისტორიები	ქორწინება	mk1979	სადღეგრძელოები
რჩევები	ასტროლოგია	...	სხვადასხვა

იქით ნუში, აქეთ ნუში..

2024-11-22 - 2:13 PM

იქით ნუში, აქეთ ნუში,

დახეთქილი ბროწეული,

ისევ ალუჩების ბუში

და ატმების ძოწეული.

გადაუგდე ნიავს ყელი,

სიო მოჰქრის შებინდების.

მოისმინე წინანდელი

გაჟრჟოლება სიმინდების.

შორით ელავს ჩვენი თეთრი

კოშკის ძველი გალავანი,

წინაპართა ჩვენთა ხვედრი -

მათი მიწა და სავანე.

დავუბრუნდეთ... უნდობარ სულს

თითქო კარი დარაზოდეს,

შენ ნუ მკითხავ მაინც წარსულს,

არც მე გკითხავ არასოდეს.