თოვლით მოსილი ღამე, მიწას ედება ცელი - ფანტასტიური რამე... ღამით ფერდობებს ფიქრის ესხა ღვარი და თქეში, აწ პროპელერი მიჰქრის და დუმილია ტყეში. ამოზიდულო დილა, მკრთალო დღიურო მთვარე! ლურჯად ელვარებს სილა, გაყინულია მხარე. მე მეზმანება პალმა, შობის ხეებში რგული, ერთმა ბოროტმა რკალმა მასზე დაჰკიდა გული. იგი ხე არის თალხის მწარე მირონის ცხება, მშვიდობიანი ხალხის მასზე ჰკიდია წყება. გაწყდა მრავალი ტომი, გული რკინის და თუჯის, მოდის მსოფლიო ომი და კანონადა ქუჩის. მოდის მედგარი გრდემლი ცეცხლით, ტყვიით და რღვევით. ვის არ უგრძვნია ცრემლი შობის ხეების რხევით? მიწა მოიცვა ალმა, თოვლიც მოვიდა თეთრი. ფანტასტიური პალმა დგას შემკობილი ცხედრით. სული ომებით ბოდავს, სული სავსეა სისხლით, კაცთა თვითეულ ცოდვას ითვლის თვითეულ მისხლით. რა საჭიროა თალხი, თუ უგულოდ და ძალად მშვიდობიანი ხალხი დაემსგავსება ჯალათს? ვისაც უნახავს ნისლი და არ ჰქონია სახლი, მას გულიდან სჩქეფს სისხლი და სისხლს ულოკავს ძაღლი. გაფითრებულო დილა, გაფითრებულო მთებო, ცას გადასცილდა ლილა და ნისლიანი თებო. |
siyvaruli.in:
By nervoza
By nervoza
ჩემი დუმილიც მიითვალე
შენდამი ლოცვად . . .
შენდამი ლოცვად . . .
ქარი არხევდა იტალურ შობის ხეს ტრიპოლისში
ავტორიზაცია
იყიდება siyvaruli.in
ჩვენ facebook-ზე
რეკლამა
 |
რეკლამა
 |
რეკლამა
 |
მინი ჩათი
რეკლამა
რეკლამა
პარტნიორები
WWW.GETOP.IN WWW.TOPSAITEBI.GE For Mobiles დაამატე საიტი |
