მერე რა იქნება მე რა ვიცი,
მერე ვერც ვერაფერს დაგპირდები.
იქნებ ამოვარდეს ქარებიც კი
ისე აირიოს ამინდები.

მაისის ბოლომდე იმედი მაქვს,
არა და უკვე მაისია.
ცას ლეგა ღრუბლები შესევია,
დღეებს ითვლიან და არ იციან,

წვიმა გამალოთებს სასმელივით.
შენ კი, დამაბრალე გულგრილობა.
ხელის გულებივით დამისერეს,
შუბლზე მწუხარება განედებმა.

მაისის ბოლომდე წვიმებია.
დღეები ისე მალე ბოლოვდება,
წლები სიჩქარისგან იღლებიან...
უკან ბრუნდებიან ფრაგმენტებად.

მაისის ბოლომდე წვიმებია,
მაისის ბოლომდე მეხსომები.
თვალები წვიმებით ივსებიან,
სახეს მარიდებენ გამვლელები.