სასიყვარულო პოეზია

ეზოს ახსოვს ყოველ წუთის

შარაგზა და გადაღმა.

ისევ იქ დგას ჩრდილი თუთის,

ცაცხვები კი გადახმა.

და ტირიფიც მაღლარ მტევნით!

სასაცილო ტირიფი,

გადახრილი ზედმიწევნით,

მსუბუქი და ირიბი.

დაფენილი, თითქო ომში,

ფშანია თუ ჟალტამი?

ველად ყრია ლურჯი კომში

და ცისფერი ატამი.

ალუბლები ისევ ჰქრიან -

სევდიანნი სიონი,

და სახელად რიონს ჰქვიან

ისევ იგი რიონი.

ისევ ჩნდება მწყერით ველი,

ღალღა თვალს ეცეცება.

ღამღამობით მოდის მგელი

და საქონელს ეცემა.

დარჩენილი მინდვრად ჩალა,

დანისლული კოპიტი.

განადგურდა მეფის ჭალა,

ჩრდილი შემოდგომითი.

ომნიბუსო, მახსოვს შენი

შარაგზებზე ჟღარუნი,

ძველი დაბა, ახალშენი

და ქვიტკირის წყარონი.

ბარს ედები, ცას ედები,

წყალს, დაღარულს დამბებით,

მოგაქვს თეთრი გაზეთები

მუდამ ძველი ამბებით.

1916

მთავარი	ვიდეო	მუსიკა	გამონათქვამები
სიყვარული თავდავიწყებაა	დაკარგული სიყვარული	ნიკო გომელაური	სიყვარული და ურთიერთობები
ისტორიები	ქორწინება	mk1979	სადღეგრძელოები
რჩევები	ასტროლოგია	...	სხვადასხვა

შემოქმედნი

სურათები

მწერლები

გამოკითხვა

ავტორიზაცია

იყიდება siyvaruli.in

ჩვენ facebook-ზე

რეკლამა

რეკლამა

რეკლამა

მინი ჩათი

რეკლამა

რეკლამა

პარტნიორები

სტატისტიკა

	500