siyvaruli.in: By nervoza

ჩემი დუმილიც მიითვალე
შენდამი ლოცვად  . . .

2024-02-27 - 0:03 AM    
ატყდა ვაზების კვირტი,

ცრემლის დაგუბდა წყარო.

სწუხდა ლიახვის ზვირთი, -

შენ რაღას იტყვი, მტკვარო?

იყო ზვირთების შეხლა,

თერგის ნგრევის და რიხის,

შენ რაღას იტყვი ეხლა,

მთებო მშობლიურ ლიხის?

მთიდან დაეშვა ღამე

და დაიბინდა მდელო,

შენ მაინც მითხარ რამე,

ვრცელო ალაზნის ველო!

თრიალეთიდან ვნახეთ

ღამის მსუბუქი ჭვარტლი.

მე ვეკითხები კახეთს,

თუ რაზე ფიქრობს ქართლი.

იქნებ მოისმენს გმინვას

ვინმე ჩუმი და ავი.

ასე დაბინდულ მყინვარს

ზღვა რად შეღელავს შავი.

რაზედ ღრიალებს ფაზი

და ისტორიის ჩრდილის

მზე ეფინება ნაზი

ქუთაისსა და თბილისს.

მაგრამ, თენდება. ყავრად

მთებს ეფინება თებო.

ჩემი სალამი, მძლავრო

კავკასიონის მთებო!

1916
 
გაუზიარე მეგობრებს










გამოკითხვა

გიტაცებთ თუ არა სასიყვარულო პოეზია?
სულ პასუხი: 7044

ავტორიზაცია



იყიდება siyvaruli.in

ჩვენ facebook-ზე

რეკლამა

რეკლამა

რეკლამა

მინი ჩათი


500

რეკლამა

რეკლამა

სტატისტიკა

სულ ონლაინში: 1
სტუმარი: 1
მომხმარებელი: 0



www.wsa.ge PageRank


              თქვენთვის ზრუნავს © nervoza

<