სასიყვარულო პოეზია

მთავარი	ვიდეო	მუსიკა	გამონათქვამები
სიყვარული თავდავიწყებაა	დაკარგული სიყვარული	ნიკო გომელაური	სიყვარული და ურთიერთობები
ისტორიები	ქორწინება	mk1979	სადღეგრძელოები
რჩევები	ასტროლოგია	...	სხვადასხვა

ვეზუვი

2025-02-07 - 12:51 PM

მხოლოდ მთა იგი...

იდგა მთა იგი

დემონის ხელით

მძლავრად ნახატი;

იწვა კლდე კლდეზე,

იდვა ქვა ქვაზე

და იყო მხოლოდ

ქვათა ღაღადი.

ქვას გული არ აქვს

(როგორც შენ არ გაქვს,

ამაოებავ

დაუვიწყარო).

უცებ ქვა გასკდა

და მის სიღრმიდან

ამოჩუხჩუხდა

ცეცხლების წყარო.

ასე, პოეტის

ბედიც: დუმილი

დიდხანს აწვალებს

ქვათა სიმძიმით.

უცებ მოსკდება

გრძნობათ ნაკადი

და სიბნელეში

შედის ციმციმით!